Qazaqstan Respýblıkasy Qarjy mınıstrliginiń buıryǵy №205 

2016 jylǵy 28 sáýir , Astana qalasy Jyljymaıtyn múlikti satyp alý-satý mámilelerin júzege asyrý kezinde deldaldyq qyzmetter kórsetetin dara kásipkerlerge jáne zańdy tulǵalarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptardy bekitý týraly «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasy Zańynyń 11-baby 3-2-tarmaǵyna sáıkes buıyramyn: 1. Qosa berilip otyrǵan jyljymaıtyn múlikti satyp alý-satý mámilelerin júzege asyrý kezinde deldaldyq qyzmetter kórsetetin dara kásipkerlerge jáne zańdy tulǵalarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar bekitilsin. 2. Qazaqstan Respýblıkasy Qarjy mınıstrliginiń Qarjy monıtorıngi komıteti (S.S.Aısaǵalıeva) zańnamada belgilengen tártippen: 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryq memlekettik tirkelgennen keıin kúntizbelik on kún ishinde merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberýdi; 3) osy buıryq Qazaqstan Respýblıkasynyń Ádilet mınıstrliginen alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi; 4) osy buıryqty Qazaqstan Respýblıkasynyń Qarjy mınıstrliginiń ınternet-resýrsynda ornalastyrýdy qamtamasyz etsin. 3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Qarjy mınıstri B. SULTANOV Qazaqstan Respýblıkasy Qarjy mınıstriniń 2016 jylǵy 28 sáýirdegi №205 buıryǵymen bekitilgen Jyljymaıtyn múlikti satyp alý-satý mámilelerin júzege asyrý kezinde deldaldyq qyzmetter kórsetetin dara kásipkerlerge jáne zańdy tulǵalarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptardy bekitý týraly 1-bólim. Jalpy erejeler 1. Osy Jyljymaıtyn múlikti satyp alý-satý mámilelerin júzege asyrý kezinde deldaldyq qyzmetter kórsetetin dara kásipkerlerge jáne zańdy tulǵalarǵa arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar (budan ári – Talaptar) «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasynyń Zańyna (budan ári – Zań) jáne Aqshany jylystatýǵa qarsy kúrestiń qarjylyq sharalaryn ázirleý tobynyń (budan ári – FATF) halyqaralyq standarttaryna sáıkes ázirlengen. 2. Osy Talaptarda qarjy monıtorınginiń sýbektilerine jyljymaıtyn múlikti satyp alý-satý mámilelerin júzege asyrý kezinde deldaldyq qyzmetter kórsetetin dara kásipkerler jáne zańdy tulǵalar (budan ári – Sýbektiler) jatady. 3. Talaptar maqsatynda mynadaı negizgi uǵymdar paıdalanylady: 1) aqshamen jáne (nemese) ózge de múlikpen operasııalardy toqtatyp qoıý – Sýbektilerdiń terrorızm jáne ekstremızmdi ne olardyń paıdasyna qarjylandyrýmen baılanysty uıymdar men tulǵalardyń tizbesine kiretin uıymdardyń nemese jeke tulǵanyń, osyndaı jeke tulǵa benefısıarlyq menshik ıesi bolyp tabylatyn klıenttiń ne onyń paıdasyna aqshamen jáne (nemese) ózge de múlikpen jasalatyn operasııalardy júrgizýden bas tartý jolymen qabyldanatyn sharalar; 2) klıent – Sýbektiniń qyzmetterin alatyn jeke nemese zańdy tulǵa; 3) qarjy monıtorıngine jatatyn operasııalar týraly málimetter men aqparattyń nysany – Qazaqstan Respýblıkasy Úkimetiniń 2012 jylǵy 23 qarashadaǵy № 1484 qaýlysymen bekitilgen Qarjy monıtorıngi sýbektileriniń qarjy monıtorıngine jatatyn operasııalar týraly málimetter men aqparat berý qaǵıdalarymen aıqyndalǵan nysan (budan ári – QM-1 nysany); 4) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderi – Sýbektilerdi qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý prosesterine nemese ózge de qylmystyq isterge qasaqana nemese baıqaýsyz tartý múmkindigi; 5) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderin basqarý – qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý monıtorıng, táýekelderdi aıqyndaý, sondaı-aq olardy tómendetý boıynsha Sýbektiler qabyldaıtyn sharalar jıyntyǵy (qyzmetterge, klıentterge qatysty); 6) ýákiletti organ – Zańǵa sáıkes qarjy monı­torıngin júzege asyratyn jáne qylmystyq jolmen alynǵan kiristerdi zańdastyrýǵa (jylys­tatýǵa) jáne terrorızmdi qarjylandyrýǵa qarsy is-qımyl jónindegi ózge de sharalardy qabyldaıtyn memlekettik organ. 4. Ishki baqylaý: 1) Sýbektilerdiń Qylmystyq jolmen alyn­ǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl (budan ári – AJ/TQQ) týraly Qazaqstan Respýb­lıkasy zańnamasynyń talaptaryn oryndaýdy qamtamasyz etý; 2) ishki baqylaý júıesiniń tıimdiligin qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý (budan ári – AJ/TQ) táýekelderin basqarý úshin jetkilikti deńgeıde qoldaý; 3) AJ/TQQ táýekelderin tómendetý maqsatynda júzege asyrylady. 5. Sýbektiler ishki baqylaý qaǵıdalaryn (budan ári – IBQ) uıymdastyrý jáne saqtaý boıynsha jaýapty laýazymdy tulǵalardy belgileıdi. 6. Sýbektilerdiń IBQ jáne ony júzege asyrý baǵdarlamalaryn ázirleý, qabyldaý jáne (nemese) oryndaý jónindegi mindetterdi oryndamaýy bóliginde AJ/TQQ týraly zańnamany buzýy 2014 jylǵy 5 shildedegi «Ákimshilik quqyq buzýshylyq týraly» Qazaqstan Respýblıkasynyń Kodeksiniń 214 babynyń 2 tarmaǵyna sáıkes ákimshilik jaýaptylyqqa ákep soǵady. 7. IBQ AJ/TQQ-ǵa baǵyttalǵan jumystyń uıym­dyq negizderin retteıtin jáne Sýbektilerdiń AJ/TQQ maqsatynda is-áreket jasaý tártibin belgileıtin qujat bolyp tabylady. 8. Zańnyń 11-babynyń 3-tarmaǵyna sáıkes IBQ mynadaı: AJ/TQQ maqsatynda ishki baqylaýdy uıymdas­tyrý baǵdarlamasyn; tehnologııalyq jetistikterdi paıdalaný táýekelin qosa alǵanda, klıentterdiń táýekelderin jáne kórsetiletin qyzmetterdi qylmystyq maqsattarda paıdalaný táýekelderin eskeretin, AJ/TQ táýekelin basqarý baǵdarlamasyn; klıentterdi sáıkestendirý baǵdarlamasyn; klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamasyn; qarjy monıtorıngi sýbektileriniń qyzmet­kerlerin AJ/TQQ máseleleri boıynsha daıarlaý jáne oqytý baǵdarlamasyn; IBQ-ǵa sáıkes qarjy monıtorıngi sýbektileri ázirleıtin ózge de baǵdarlamany qamtıdy. 9. AJ/TQQ týraly zańnamaǵa ózgerister men (nemese) tolyqtyrýlar engizilgen jaǵdaıda, Sýbektiler kúntizbelik 30 kún ishinde IBQ-ǵa tıisti ózgerister men tolyqtyrýlar engizedi. 2-bólim. Ishki baqylaýdy uıymdastyrý baǵdarlamasy 10. Ishki baqylaýdy uıymdastyrý baǵdarlamasy: 1) AJ/TQQ maqsatynda ishki baqylaýdy júzege asyrý barysynda Sýbektiler qyzmetin sıpattaýdy qosa alǵanda ishki baqylaýdy uıymdastyrý tártibinen; 2) aqshamen jáne (nemese) ózge de múlikpen operasııa jasaýdan bas tartý tártibi Zańnyń 5-baby 3-tarmaǵynyń 1), 2), 2-1), 4) jáne 6) tarmaqshalarynda kózdelgen sharalardy qoldaný múmkin bolmaǵan jaǵdaıda, klıentpen iskerlik qatynasqa tyıym salý jáne toqtatý jónindegi sharalardy qabyldaý, Zańnyń 5-baby 3-tarmaǵynyń 6) tarmaqshasynda kózdelgen sharalardy qabyldaý múmkin bolmaǵan jaǵdaıda jeke nemese zańdy tulǵaǵa iskerlik qatynastardy ornatýdan bas tartý tártibinen; 3) zerdeleýge jatatyn kúrdeli, erekshe iri jáne basqa da erekshe operasııalardy Sýbektilerdiń kúdikti operasııa retinde taný tártibinen; 4) ýákiletti organǵa málimetterdi, aqparatty jáne qujattardy berý úshin qoldanylatyn avtomattandyrylǵan aqparattyq júıeler jáne baǵdarlamalyq qamtý jumysynyń nusqamalary men reglamentterin qosa alǵanda, ýákiletti organǵa qarjy monıtorıngine jatatyn operasııalar týraly málimetter men aqparatty, klıentpen iskerlik qatynastar ornatýdan bas tartý, klıentpen iskerlik qatynastardy toqtatý, aqshamen jáne (nemese) ózge de múlikpen operasııa júrgizýden bas tartý faktilerin berý tártibinen; 5) klıenttiń dereknamasyn jáne onymen hat-habar almasýdy qosqanda, klıentti tıisinshe tekserý nátıjeleri boıynsha alynǵan qujattar men málimetterdi, qarjy monıtorıngine jatatyn aqshamen jáne (nemese) ózge de múlikpen operasııalar, sonymen qatar kúdikti operasııalar týraly qujattar men málimetterdi, sondaı-aq barlyq kúrdeli, erekshe iri jáne basqa da erekshe operasııalardy zerdeleý nátıjelerin tirkeý jáne saqtaý tártibinen turady. Qarjy monıtorıngine jatatyn jáne ýákiletti organǵa beriletin operasııalardy qujattyq tirkeý nómirlengen, tigilgen, Sýbektilerdiń qolymen jáne mórmen bekitilgen qarjy monıtorıngine jatatyn operasııalar týraly málimetter esebiniń jýrnalynda jazylady. Qarjy monıtorıngine jatatyn operasııalar týraly málimetter esebiniń jýrnalynda: ýákiletti organǵa aqparatty berý kúni men nómiri; habarlama berý negizi; ýákiletti organnyń QM-1 nysanyn qabyldaǵany/qabyldamaǵany týraly habarlamanyń nómiri men kúni. 11. Ishki baqylaýdy uıymdastyrý baǵ­darla­masyna sáıkes Sýbektilerdiń fýnksııalary: 1) IBQ-ǵa ózgerister jáne (nemese) tolyqtyrýlar engizýdi; 2) Zańǵa sáıkes qarjy monıtorıngine jatatyn operasııalar týraly málimetter men aqparatty ýákiletti organǵa berýdi uıymdastyrýdy jáne baqylaýdy; 3) klıent operasııalaryn kúdikti retinde taný týraly sheshimder qabyldaýdy; 4) klıent operasııalaryn kúrdeli, erekshe iri jáne basqa da erekshe operasııalarǵa jatqyzý týraly sheshimder qabyldaýdy; 5) klıent operasııalaryn toqtatý ne júrgizýden bas tartý jáne ýákiletti organǵa jiberý qajettigi týraly sheshimder qabyldaýdy; 6) klıenttermen iskerlik qatynastar ornatý, jalǵastyrý ne toqtatý týraly sheshimder qabyldaýdy; 7) klıenttiń (onyń ókiliniń) jáne benefısıarlyq menshik ıesiniń operasııalaryna qatysty qabyldanǵan sheshimderdi qujattyq tirkeýdi; 8) IBQ-ny iske asyrý barysynda alynǵan derekter negizinde klıenttiń dereknamasyn qalyp­tastyrýdy; 9) táýekelderdi basqarý jáne ishki baqylaý júıesin jetildirý jóninde sharalar qabyldaýdy; 10) klıenttiń dereknamasyn jáne onymen hat-habar almasýdy, qarjy monıtorıngine jatatyn operasııalar, onyń ishinde kúdikti operasııalar, sondaı-aq barlyq kúrdeli, erekshe iri jáne basqa da erekshe operasııalardy zerdeleý nátıjeleri týraly qujattar men málimetterdi qosa, klıentti tıisinshe tekserý nátıjeleri boıynsha alynǵan qujattar men málimetterdi klıentpen iskerlik qatynastardy toqtatqan kúnnen bastap kem degende bes jyl saqtaý jónindegi sharalardy; 11) AJ/TQQ týraly zańnamaǵa sáıkes ózge de qyzmetterdi qamtamasyz etý. 12. Sýbektiler júktelgen fýnksııalarǵa sáıkes: 1) óz qyzmetin júzege asyrý barysynda alynǵan aqparatty qupııa saqtaýdy qamtamasyz etedi; 2) AJ/TQQ týraly zańnamanyń oryndalýyn baqylaýdy júzege asyrý úshin tıisti memlekettik organdarǵa aqparat beredi; 3) Zańnyń 10-babynyń 3-1-tarmaǵyna sáıkes ýákiletti organǵa onyń suratýy boıynsha qajetti aqparatty, málimetter men qujattardy usynady. 13. Sýbekt jáne onyń qyzmetkerleri klıentter men ózge de tulǵalarǵa osyndaı klıentter týraly jáne olar jasaıtyn operasııalar týraly aqparatty, málimetter men qujattardy ýákiletti organǵa bergeni týraly habarlamaıdy. 3-bólim. AJ/TQ táýekelin basqarý baǵdarlamasy 14. AJ/TQ táýekelin basqarý baǵdarlamasy Sýbektilerdiń táýekel deńgeıin bere otyryp AJ/TQ-men baılanysty aqshamen jáne (nemese) ózge de múlikpen klıenttiń operasııalar jasaý táýekeline baǵalaý júrgizýin kózdeıdi. Táýekelder deńgeıi klıent (onyń ókili) jáne benefısıarlyq menshik ıesi týraly qolda bar málimetter negizinde qalyptastyrylady. Táýekelderdi baǵalaý nátıjeleri qujattyq tirkeledi jáne tıisti memlekettik organdar men Sýbektiler múshe bolyp tabylatyn kommersııalyq emes uıymdardyń talap etýi boıynsha beriledi. Klıentke berilgen táýekelder deńgeıi qajet­tiligine qaraı, alaıda jylyna keminde bir ret qaıta qaralady. 15. AJ/TQ táýekelin basqarý baǵdarlamasynda táýekeldiń joǵary deńgeıi: 1) mynadaı: FATF usynymdaryn oryndamaıtyn jáne (nemese) jetkilikti oryndamaıtyn; jemqorlyq nemese ózge de qylmystyq áreketteri joǵary deńgeıdegi; Birikken Ulttar Uıymy (ári – BUU) salatyn sanksııalarǵa, embargo jáne sol sııaqty sharalarǵa ushyraǵan; terrorıstik (ekstremıstik) áreketterdi qarjylan­dyratyn nemese qoldaý kórsetetin jáne belgilengen terrorıstik (ekstremıstik) uıymdary bar; Osyndaı memleketterdiń tizbesine (aýmaq­tardyń) BUU-nyń jáne halyqaralyq uıymdardyń derekteri boıynsha siltemeler ýákiletti organnyń resmı ınternet-resýrsynda ornalastyrylady. 2) mynadaı jaǵdaılarda klıentke: klıent sheteldik jarııa laýazymdy tulǵa bolyp tabylǵan; klıent jarııa halyqaralyq uıymnyń laýazymdy tulǵasy bolyp tabylǵan; klıent sheteldik jarııa laýazymdy tulǵanyń múddesine (paıdasyna) áreket etetin tulǵa bolyp tabylǵan; klıent sheteldik jarııa laýazymdy tulǵanyń zaıyby, jaqyn týysy bolyp tabylǵan; klıent (onyń ókili) ne benefısıarlyq menshik ıesi ne klıenttiń kontragenti operasııa boıynsha Qazaqstan Respýblıkasynyń normatıvtik quqyqtyq aktilerdi memlekettik tirkeý tiziliminde № 6058 bolyp tirkelgen «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» Qazaqstan Respýblıkasy Zańynyń maqsattary úshin Offshorlyq aımaqtar tizbesin bekitý týraly» Qazaqstan Respýblıkasy Qarjy mınıstri mindetin atqarýshynyń 2010 jylǵy 10 aqpandaǵy № 52 buıryǵymen (budan ári – Buıryq) bekitilgen offshorlyq aımaqtar tizbesine engen memlekette (aýmaqta) tirkelgen nemese qyzmetin júzege asyrǵan; klıent Zańnyń 12-babyna sáıkes Terrorızmdi jáne ekstremızmdi qarjylandyrýmen baılanysty uıymdar men tulǵalardyń tizbesine engen; klıent azamattyǵy joq tulǵa bolyp tabylǵan; klıent Qazaqstan Respýblıkasynda tirkelgen nemese kelgen mekenjaıy bolmaǵan Qazaqstan Respýblıkasynyń azamaty bolyp tabylǵan; klıent rezıdent emes bolyp tabylǵan; klıentpen iskerlik qatynas erekshe jaǵdaılarda (mysaly, Sýbekti men klıenttiń arasynda óte úlken túsiniksiz geografııalyq araqashyqtyq bar) júzege asyrylǵan; klıenttiń qyzmeti qolma-qol aqshanyń qarqyndy aınalymymen baılanysty; klıent bergen málimetterdi tekserý kezinde Sýbektide qıyndyqtar paıda bolǵan; klıent asyǵys operasııa júrgizýdi talap etken; klıent paıdalanylýy Sýbektiniń ádettegi tájirıbesinen aıryqshalanatyn, standartty emes nemese esep aıyrysýdyń ádettegiden erekshe kúrdeli shemalaryn júrgizýdi talap etken; klıent jańa jáne damyp kele jatqan tehnologııalar sııaqty jańa, sondaı-aq is júzinde bar ónimderge jańa mehanızmder berýdi qosa alǵanda jańa ónimderdi jáne jańa iskerlik tájirıbeni paıdalanǵan; klıent qarjy monıtorıngi rásimderinen jalta­rýǵa baǵyttalǵan is-qımyl jasaǵan; klıent kommersııalyq emes uıym bolyp tabylǵan; klıenttiń operasııalary buryn kúdikti dep tanylǵan; AJ/TQ-nyń joǵary táýekelimen baılanysty klıent týraly ózge de aqparat bolǵan jaǵdaıda; 3) operasııalar: qolma-qol esep aıyrysýdy qosa alǵanda, jasyryn bank shottarymen nemese jasyryn, oılap tabylǵan esimderdi paıdalanýmen baılanysty; aıqyn ekonomıkalyq máni joq nemese anyq qoıylǵan zańdy maqsaty joq; taraptardyń jeke qatysýynsyz júzege asyrylatyn; belgisiz nemese baılanysty emes úshinshi tulǵanyń paıdasyna onyń atynan júrgizilgen; klıentke tán emes jıilikpen júrgizilgen; erekshe iri somaǵa júrgizilgen; AJ/TQ-nyń joǵary táýekeli týraly aqparat bolǵan jaǵdaıda beriledi. AJ/TQ táýekeliniń joǵary deńgeıi berilgen klıentterge Zańnyń 5-baby 7-tarmaǵyna sáıkes klıentterdi tıisinshe tekserýdiń kúsheıtilgen sharalary qoldanylady. Táýekeliniń joǵary deńgeıi berilmegen klıent (onyń ókili) jáne benefısıarlyq menshik ıesi týraly qolda bar málimetter negizinde klıentterge táýekeldiń tómen deńgeıi taǵaıyndalady jáne Zańnyń 5-baby 7-tarmaǵyna sáıkes klıentterdi tıisinshe tekserýdiń jeńildetilgen sharalary qoldanylady. 4-bólim. Klıentterdi sáıkestendirý baǵdarlamasy 16. Klıentterdi sáıkestendirý baǵdarlamasy Sýbektilerdiń klıent júzege asyrǵan operasııalardy qarjylandyrý kózi týraly málimetterdi qosa alǵanda, klıentter (olardyń ókilderi) jáne benefısıarlyq menshik ıeleri týraly buryn alynǵan málimetterdi anyqtaý, jańartý boıynsha is-sharalardy júrgizýi bolyp tabylady jáne: 1) Zańnyń 5-babynyń talaptaryna sáıkes klıentti (onyń ókilin) jáne benefısıarlyq menshik ıesin tıisinshe tekserý jónindegi sharalardy saqtaý; 2) Zańnyń 5-baby 3-tarmaǵynyń 6) tarmaq­sha­syna sáıkes klıent (onyń ókili) jáne bene­fısıarlyq menshik ıesi týraly málimetterdiń anyqtyǵyn tekserý; 3) Zańnyń 12-babyna sáıkes Terrorızmdi jáne ekstremızmdi qarjylandyrýmen baılanysty uıymdar men tulǵalardyń tizbesinde kózdelgendeı klıentke (onyń ókiline) jáne benefısıarlyq menshik ıesine qatysty olardyń terrorızmdi jáne ekstremızmdi qarjylandyrýmen baılanysy bolǵandyǵy nemese joqtyǵy; 4) Zańnyń 8-babynyń talaptaryna sáıkes klıenttiń sheteldik jarııa laýazymdy tulǵaǵa, onyń otbasy múshelerine jáne jaqyn týystaryna jatatynyn jáne (nemese) qatystylyǵyn tekserý; 5) sáıkesinshe tirkeýi, turatyn jeri nemese ornalasqan jeri bar klıentterdi anyqtaý: FATF usynymdaryn oryndamaıtyn jáne (nemese) jetkilikti oryndamaıtyn memlekette (aýmaqta) ne Zańnyń 4-baby 4-tarmaǵynyń 4) tarmaqshasyna sáıkes kórsetilgen memlekette (kórsetilgen aýmaqta) tirkelgen banktegi shottardy paıdalanýshy; Buıryqpen bekitilgen offshorlyq aımaqtarda; 6) boljamdalatyn maqsattar men iskerlik qatynastar sıpatyn belgileý. AJ/TQ táýekeliniń joǵary deńgeıi bar klıent úshin boljamdalatyn maqsattar men iskerlik qatynastar sıpatyn belgileý kezinde jasalatyn operasııalardyń qyzmet túri men qarjylandyrý kózi týraly qosymsha málimetter suratylady. AJ/TQ táýekeliniń tómen deńgeıi bar klıent úshin boljamdalatyn maqsattar men iskerlik qatynastar sıpatyn belgileý klıent operasııalarynyń sıpaty negizinde anyqtalady. 7) táýekelderdi basqarý baǵdarlamasyna sáıkes klıentti tıisinshe tekserý boıynsha berilgen táýekel deńgeıine qaraı klıentke shara qoldaný; 8) klıentterdi sáıkestendirý nátıjeleri boıynsha alynǵan málimetterdi klıent (onyń ókili) jáne benefısıarlyq menshik ıesi týraly sáıkestendirý málimetteriniń ózgerýine qaraı, alaıda jylyna keminde bir ret jańartý boıynsha rásimderdi qamtıdy. AJ/TQ táýekeliniń joǵary deńgeıi bar klıent (onyń ókili) jáne benefısıarlyq menshik ıesi týraly málimetterdi jańartý kem degende jarty jylda bir ret júzege asyrylady. AJ/TQ táýekeliniń tómen deńgeıi bar klıent (onyń ókili) jáne benefısıarlyq menshik ıesi týraly málimetterdi jańartý kem degende eki jylda bir ret júzege asyrylady. Klıentke iskerlik qatynastardy ornatýdan jáne aqshamen jáne (nemese) ózge de múlikpen operasııa jasaýdan bas tartylǵan jaǵdaıda, Zańnyń 5-baby 3-tarmaǵynyń 1), 2), 2-1), 4) jáne 6) tarmaqshalarynda kózdelgen sharalardy qabyldaý, sondaı-aq aqshamen jáne (nemese) ózge múlikten operasııalardy toqtatý boıynsha sharalardy qabyldaý múmkin bolmaǵan jaǵdaıda, sondaı-aq Sýbektiler ýákiletti organǵa osyndaı bas tartý faktisi týraly QM-1 nysany boıynsha habarlama jiberedi. Zańnyń 5-baby 3-tarmaǵynyń 6) tarmaqshasynda kózdelgen sharalardy qabyldaý múmkin bolmaǵan jaǵdaıda, sondaı-aq klıent jasaıtyn operasııalardy zerdeleý prosesinde klıent iskerlik qatynastardy AJ/TQ maqsatynda paıdalanady degen kúdik týyndaǵan jaǵdaıda, Sýbektiler klıentpen iskerlik qatynastardy toqtatady. Eger iskerlik qatynastar joǵaryda kórsetilgen negizder boıynsha toqtatylsa, Sýbektiler ýákiletti organǵa QM-1 nysany boıynsha habarlama jiberedi. 5-bólim. Klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng jasaý jáne zerdeleý baǵdarlamasy 17. Sýbektiler 1) Zańnyń 4-babynyń 1 jáne 2-tarmaqtarynda kórsetilgen; 2) Zańnyń 4-babynyń 3-tarmaǵynda kórsetilgen; 3) Zańnyń 4-babynyń 4-tarmaǵynda kórsetilgen operasııalardy anyqtaýdy qamtıtyn, klıenterdiń kúrdeli, erekshe iri jáne basqa da operasııalaryn zerdeleýdi qosa alǵanda jáne klıentterdiń operasııalaryna monıtorıng jasaý jáne zerdeleý baǵdarlamasyn ázirleıdi. 18. Sýbekt klıentke AJ/TQ táýekeliniń joǵary deńgeıin bergen jaǵdaıda josparlanǵan nemese júrgizilgen operasııalardyń sebepterin anyqtaý maqsatynda klıenttiń atalǵan Sýbektide júrgizgen barlyq operasııalaryn qosymsha zerdeleıdi jáne odan ári tekserýdi talap etetin operasııalardyń sıpatyn anyqtaıdy. Sýbekt klıentke AJ/TQ táýekeliniń tómen deńgeıin bergen jaǵdaıda klıenttiń aǵymdaǵy operasııasyn zerdeleıdi. 19. Monıtorıng baǵdarlamasyn iske asyrý jáne klıentterdiń operasııalaryn zerdeleý sheńberinde alynǵan málimetter qujattyq rastalyp tirkeledi jáne klıenttiń dereknamasyna engiziledi. 20. Zańnyń 4-baby 1, 2 jáne 3-tarmaqtarynda kórsetilgen klıenttiń anyqtalǵan operasııalary týraly málimetter men aqparattar ýákiletti organǵa QM-1 nysany boıynsha usynylady. 21. Sýbektiler mindetti zerdeleýge jatatyn operasııalar týraly habarlamany osyndaı operasııa kúdikti retinde tanylǵan kúnnen keıingi kelesi jumys kúninen keshiktirmeı ýákiletti organǵa usynady. b-Bólim. AJ/TQQ máseleleri boıynsha daıarlaý jáne oqytý baǵdarlamasy 22. AJ/TQQ máselesi boıynsha daıarlaý jáne oqytý baǵdarlamasy Qazaqstan Respýblıkasynyń normatıvtik quqyqtyq aktilerdi memlekettik tirkeý tiziliminde № 10001 bolyp tirkelgen «Qarjy monıtorıngi sýbektilerin qyzmetkerlerdi daıarlaý jáne oqytý boıynsha qoıylatyn talaptardy bekitý týraly» Qazaqstan Respýblıkasy Qarjy mınıstriniń 2014 jylǵy 28 qarashadaǵy № 533 buıryǵymen bekitilgen qyzmetkerlerdi daıarlaý jáne oqytý jóninde qoıylatyn talaptarǵa sáıkes ázirlenedi. Buıryq Qazaqstan Respýblıkasynyń Ádilet mınıstrliginde 2016 jylǵy 2 maýsymda Normatıvtik quqyqtyq kesimderdi memlekettik tirkeýdiń tizilimine №13763 bolyp engizildi.